مالقيــت مـــن نحكيله *** سرى وعنده انفضى
ومالقيـت من نشكيله *** بختـى وقلـــة حظى
حتــــى اللى حبيتـه
وفى خاطرى حطيته
على بالنظر متغضى
مالقيـت من يسمعنى *** ويداوى نزيف الجرح
ويمسح اللى توجعنى *** ويملاء حياتى فرح
وفالضيق يقرب منى
ولوغبت ينشد عنى
وانكنى زعلت ايراضينى
مالقيت من يسعدنى
ونعـــوم فـوق امواجه
ومالقيت من ياخذنى
بالحضن وقت الحاجه
ونبقــى شمـــوع الدربه
ونلقى الونس فى قربه
وامعاه عمـرى انقضى ...